ELM VƏ TƏHSİL
ADU-da tənqidi və yaradıcı təfəkkür mövzusunda təlim təşkil olunub
Bakı, 13 may, AZƏRTAC
Azərbaycan Dillər Universitetində (ADU) Keyfiyyətin təminatı və monitorinq şöbəsinin təşkilatçılığı ilə ABŞ-ın Azusa Pasifik Universitetinin professoru Nansi Ekls tərəfindən Beynəlxalq münasibətlər və regionşünaslıq, Filologiya fakültələrinin nəzdində olan bütün kafedra müəllimləri üçün “Critical and Creative Thinking” adlı təlim təşkil olunub.
ADU-dan AZƏRTAC-a bildirilib ki, amerikalı professor tam düşüncə azadlığını aşılamaq üçün tənqidi və yaradıcı təfəkkürün vacibliyi haqqında fikirlərini bölüşüb. Tələbələrdə yalnız sadə “təfəkkür” deyil, ən başlıcası onların özlərinin düşünüb hasil etdiyi ideyalara əsaslanan “tənqidi təfəkkürü” yaratmaq və onu inkişaf etdirməyin nə qədər vacib olduğunu vurğulamaq təlimin əsas müzakirə mövzusu olub.