İQTİSADİYYAT


“ADY Express” ixrac rejimində polipropilen yüklərinin nəqlini davam etdirir

“ADY Express” ixrac rejimində polipropilen yüklərinin nəqlini davam etdirir

Bakı, 15 dekabr, AZƏRTAC

“Azərbaycan Dəmir Yolları” QSC-nin törəmə şirkəti olan “ADY Express” MMC “SOCAR Polymer” MMC-nin istehsal etdiyi polipropilen məhsulunun ixrac rejimində Qazaxıstana nəqlini davam etdirir.

MMC-dən AZƏRTAC-a bildirilib ki, yüklərin daşıma marşrutu Rusiya ərazisindən keçir. “ADY Express” şirkətinin təqdim etdiyi örtülü vaqonlar Sumqayıt stansiyasında yüklənərək dəmir yolu vasitəsilə Rusiyadan keçməklə Qazaxıstana nəql edilir. Sumqayıt-Yalama-Atırau marşrutu ilə daşınan yüklər, 1202 kilometr yolu 6 günə qət edir. Marşrutboyu daşımanı “ADY Express” şirkəti həyata keçirir.

2020-ci ilin avqust ayında test rejimində bu yüklərin ilk partiyasının nəqli zamanı qeyd olunan marşrut effektivliyini göstərib. Uğurla keçən test daşıma layihənin davamlı olacağına əminlik yaradıb. Artıq bu marşrutla “ADY Express” 1354 ton polipropilen yükünü Qazaxıstana çatdırmağa müvəffəq olub. Proses davam etdirilir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.