AFFA “ARAZ” FUTZAL KLUBUNU CƏRİMƏLƏMİŞDİR

AZƏRTAC xəbər verir ki, AFFA-nın Nizam-İntizam Komitəsinin (NİK) çıxardığı qərara əsasən, futzal üzrə ölkə çempionatının son turunda “Araz” və “Star GSM” komandalarının oyunu zamanı “Araz” komandasının üzvü Vitali Borisov rəqibi arxadan vurduğuna görə, qırmızı vərəqə ilə cəzalandırıldığı üçün növbəti 2 oyunu buraxmaqla yanaşı, klub 100 manat cərimələnmişdir. “Star GSM” komandasından isə Rüfət Balakişiyev və Bəhruz Babayev qırmızı vərəqə aldıqları üçün növbəti oyunu buraxacaq, klub isə hər bir futzalçıya görə 10 manat məbləğində cərimə ödəyəcəkdir.