AZƏRTAC-ın xarici informasiya agentliklərindən aldığı xəbərə görə, Afinada Olimpiya oyunları ilə əlaqədar məxsusi təşkil olunmuş tapıntılar bürosunda artıq 560-a yaxın əşya toplanmışdır.

Tamaşaçılar çox vaxt tribunalarda açarlarını, pul kisələrini, mobil telefonlarını, sənədlərini, eləcə də foto və video kameralarını unudurlar.

Oyunların açılış mərasiminə gəlmiş tamaşaçılardan biri əsl huşsuzluq “nümunəsi” göstərərərək, içində üç min beş yüz avro olan pul kisəsini stadionda unudub getmişdir. Xoşbəxtlikdən, bu puldan bir qəpik də itməmişdir. Ən qeyrı-adi tapıntı isə naməlum azarkeşin tribunada qoyub getdiyi iri bir təbildir.