İDMAN


AFİNA KÜÇƏLƏRİNDƏ GİZLİ NƏZARƏT KAMERALARI QOYULACAQ

AZƏRTAC xəbər verir ki, “Afina-2004” Təşkilat Komitəsinin yaydığı məlumata görə, avqustun 13-də başlanacaq Olimpiada ərəfəsində Yunanıstan paytaxtı bayraqlarla bəzədiləcəkdir.

Bayram transparantlarının, bayraqların və “Xoş gəlmisiniz!” sözləri yazılmış parçaların ümumi uzunluğu 370 kilometrdən artıqdır. Olimpiada yarışlarının keçiriləcəyi digər şəhərlərdə - qədim Olimpiada, İraklionda, Səlanikdə, Patrax və Volosda isə transparantların uzunluğu 200 kilometr olacaqdır.

Afinanın küçələrində 1200-dən çox zahiri müşahidə videokameraları da qoyulacaqdır. Bundan əlavə, iyulun 19-da paytaxt səmasına 59 metr uzunluğunda ən müasir dirijabl qaldırılmışdır. O, bir neçə izləmə kamerası ilə təchiz edilmişdir.

Dirijabldan və küçələrdəki stasionar izləmə kameralarından təsvirlər xüsusi mərkəzə ötürüləcəkdir. Bu yolla polis hüquq pozuntularının qarşısını almaq və nəqliyyatın hərəkətində yarana biləcək problemə dərhal reaksiya vermək ümidindədir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.