AĞDAŞ ŞƏHƏRİNİN SU TƏCHİZATI YAXŞILAŞACAQDIR
Qırx il əvvəl Ağdaş şəhərinə çəkilmiş su kəmərlərindən su sızdığı üçün çoxlu itki olurdu. Su qıtlığı şəhər əhalisində narazılıq yaradırdı. Rayon icra hakimiyyətinin rəhbərliyi bu problemi həll etmək, şəhərin su təchizatını yaxşılaşdırmaq üçün əlaqədar orqanlarla müqavilələr bağlamışdır. Asiya İnkişaf Bankı yeni su xəttinin layihəsinin hazırlanmasına maliyyə dəstəyi göstərməyi qərara almışdır. Bankın nümayəndələri rayonda olmuş, layihənin təqdimat mərasimində iştirak etmişlər. Bu ilin avqust ayından həyata keçirilməsinə başlanacaq layihə 18 ay müddətində reallaşdırılacaqdır.