Azərbaycan Prezidenti Heydər Əliyevin ”İdman, gənclər və sosial təminat sahələrində çalışan işçilərin əmək haqlarının artırılması haqqında” 27 iyun 2003-cü il tarixli Sərəncamı həmin qurumlarda işləyənlərdə dərin razılıq və minnətdarlıq hissləri doğurmuşdur. Bu kollektivlərdən AZƏRTAC-a daxil olmuş minnətdarlıq məktublarından bir neçəsini aşağıda təqdim edirik.AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ Hörmətli cənab Prezident! Əmək və Əhalinin Sosial Müdafiəsi Nazirliyinin Bilgəh qəsəbəsindəki müharibə və əmək əlilləri pansionatının sakinləri və onlardan xidmət və qayğısını əsirgəməyən işçilərimiz 1998-ci il aprelin 8-də Qurban Bayramı süfrəsi arxasında Sizinlə keçirdikləri görüşü minnətdarlıqla yad edirlər. Pansionatın kollektivi Azərbaycanda gedən bütün ictimai-siyasi prosesləri diqqətlə izləyir, Sizin rəhbərliyinizlə iqtisadi, sosial, hərbi quruculuq və xarici siyasət sahəsində əldə edilən nailiyyətləri alqışlayırlar. Sizin sosial təminat işçilərinə, o cümlədən belə müəssisələrdə çalışan insanlara qayğınızın bariz nümunəsi olan 27 iyun 2003-cü il tarixli Sərəncamınız kollektivimiz tərəfindən böyük sevinc hissi ilə qarşılanmışdır. Keçən əsrin 90-cı illərinin əvvələrində ictimai-siyasi, sosial-iqtisadi böhran vəziyyətində olan Azərbaycan Sizin rəhbərliyiniz ilə 10 il ərzində çiçəklənən, gündən-günə inkişaf edən dövlətə çevrilmiş, respublikamızın iqtisadi imkanları artmış, dövlətimiz dünya birliyində layiqli yerini tutmuşdur. Bunun nəticəsidir ki, əhalinin sosial təminatının yaxşılaşdırılması ilə bağlı imzaladığınız son Fərman və Sərəncamlarınız xalqımızın sevincinə və gələcəyə inamına səbəb olmuşdur. Pansionatın kollektivi Sizin bu humanist addımınıza öz fəal, səmərəli işləri ilə cavab verməyə və bizə göstərdiyiniz etimadı doğrultmağa səy göstərəcəkdir. Sizə cansağlığı, uzun ömür və respublikamızın rifahı naminə müvəffəqiyyətlər arzulayırıq. Bilgəh qəsəbəsindəki müharibə və əmək əlilləri pansionatının kollektivi. X X XAZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ Hörmətli cənab Prezident! Əmək və Əhalinin Sosial Müdafiəsi Nazirliyinin Saraydakı 7 nömrəli internat evinin kollektivi bu gün Sizin rəhbərliyiniz ilə böyük dəyişikliklər və islahatlar dövrünü yaşayan, dünya iqtisadi sisteminə inteqrasiya olunan, iqtisadiyyatı gündən-günə inkişaf edən, möhkəmlənən, dünya dövlətləri sırasında xüsusi mövqeyi ilə seçilən, qüdrətli, müstəqil Azərbaycanın tərəqqisini görür və bunu yüksək qiymətləndirir. Məhz Sizin dövlətçilik bacarığınız, fədakarlığınız, uzaqgörən daxili və xarici siyasətiniz, möhkəm iradəniz sayəsində Azərbaycan tarixi sınaqlardan uğurla çıxmışdır. İflic vəziyyətinə düşmüş iqtisadiyyatın bərpası və inkişafı, uğurlu neft strategiyası, ordu quruculuğunda əsaslı islahatların həyata keçirilməsi və ən nəhayət uğurlu diplomatik fəaliyyətiniz dünya birliyində Azərbaycana etibarlı tərəfdaş imici qazandırmış, respublikamızın beynəlxalq aləmdə layiqli yer tutmasına imkan yaratmışdır. Sizin bütün fəaliyyətiniz ölkəmizin ərazi bütövlüyünün bərpasına, dövlət müstəqilliyimizin qorunmasına, elmin, mədəniyyətin inkişafına, xalqın sosial rifahının yaxşılaşdırılmasına yönəlib və bu işlərin müsbət nəticələrini biz gündəlik həyatımızda aydın şəkildə hiss edirik. Möhtərəm cənab Prezident! Sizin “İdman, gənclər və sosial təmiat sahələrində çalışan işçilərin əmək haqlarının artırılması haqqında” 27 iyun 2003-cü il tarixli Sərəncamınızı son illər rəhbərliyinizlə aparılan uğurlu iqtisadi siyasətin, vətəndaşların sosial rifahının yaxşılaşdırılması istiqamətində gördüyünüz işlərin məntiqi nəticəsi kimi dəyərləndirir və kollektivimiz adından dərin təşəkkürümüzü bildirməklə Sizə müstəqil Azərbaycanın inkişafı naminə cansağlığı və uzun ömür diləyirik. Saraydakı 7 nömrəli internat evinin kollektivi. X X X AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ Hörmətli Heydər Əlirza oğlu! Sizin rəhbərliyiniz ilə ölkəmizdə baş verən müsbət dəyişikliklərin bəhrəsini hiss edir, dövlət quruculuğu sahəsində gördüyünüz işlərin uğurlu nəticələrini duyur, hakimiyyətə gəldiyiniz gündən xalqımıza, onun bir hissəsi olan əlillərə, müharibə veteranlarına göstərdiyiniz qayğının daim şahidi oluruq. Məhz bu diqqət və qayğının nəticəsi olaraq respublikamızda həmin qəbildən insanlara dövlət himayəsi göstərilərkən Əmək və Əhalinin Sosial Müdafiəsi Nazirliyinin Protez-Ortopedik Bərpa Mərkəzinin əməkdaşları da üzərlərinə düşən vəzifələri mənəvi borc hesab edərək layiqincə yerinə yetirirlər. Zati-aliləri! Sizin “İdman, gənclər və sosial təminat sahələrində çalışan işçilərin əmək haqlarının artırılması haqqında” 27 iyun 2003-cü il tarixli Sərəncamınız kollektivimiz tərəfindən böyük ruh yüksəkliyi ilə qarşılanmışdır. Protez-Ortopedik Bərpa Mərkəzinin əməkdaşları Sizin bu humanist addımınıza öz fəal işləri ilə cavab verməyə və bizə göstərdiyiniz etimadı gələcəkdə də layiqincə doğrultmağa çalışacaqlar. Bizə verdiyiniz yüksək qiymətə, göstərdiyiniz qayğıya görə mərkəzin kollektivi adından Sizə dərin minnətdarlığımızı bildirir, uzun ömür, cansağlığı, doğma Azərbaycanımızın çiçəklənməsi naminə gördüyünüz işlərdə yeni-yeni uğurlar diləyirik.Protez-Ortopedik Bərpa Mərkəzinin Kollektivi.