DÜNYA


Aİ-ABŞ danışıqları baş tutmayıb

Berlin, 23 fevral, AZƏRTAC

Avropa İttifaqının (Aİ) üzvü olan ölkələrin ticarət nazirləri Vaşinqtonla qarşılıqlı ticarət şərtlərinin sadələşdirilməsinə dair danışıqların başlanması barədə razılığa gələ bilməyiblər.

AZƏRTAC xəbər verir ki, Avropa İttifaqında istehsal edilmiş avtomobillərə görə cərimə tətbiq ediləcəyi barədə hədə-qorxulara baxmayaraq, 2019-cu ilin mart ayına qədər (o vaxt Aİ-nin sammiti keçiriləcək) yeni danışıqlar aparılmayacaq.

Aİ-nin ticarət məsələləri üzrə komissarı Sesiliya Malmström danışıqların baş tutmaması faktına münasibətini bu şəkildə bildirib: “Aİ üzvü olan bəzi ölkələr daxili məsləhətləşmələr aparmalıdırlar, bunun onlara əlavə vaxt lazımdır”.

Müşahidəçilər ABŞ ilə ticarət sazişinə dair danışıqların uğursuz nəticəsinin səbəbi kimi Fransa, Belçika, İspaniya, İtaliya və Lüksemburqun inadkar mövqe tutmasını göstərirlər.

Vüqar Seyidov

AZƏRTAC –ın xüsusi müxbiri

Berlin 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.