DÜNYA


Aİ Afrikada infrastrukturun inkişafına 22,7 milyard dollar ayırmağı planlaşdırır

Aİ Afrikada infrastrukturun inkişafına 22,7 milyard dollar ayırmağı planlaşdırır

Bakı, 12 fevral, AZƏRTAC

Avropa İttifaqı (Aİ) Global Gateway proqramı çərçivəsində Afrika ölkələrinə 22,7 milyard dollar ayırmaq imkanlarını nəzərdən keçirir.

AZƏRTAC Bloomberg agentliyinə istinadla xəbər verir ki, Aİ-nin proqramı nəqliyyat şəbəkəsinin, rəqəmsal texnologiyanın inkişafına, energetika, təhsil və səhiyyə sahələrində layihələrə yönəldiləcək. Proqrama strateji dəhlizlərin, sualtı kabellərin, yeni strateji birləşmələrin tikintisinin maliyyələşdirilməsi daxildir. Həmçinin Seneqal, Kot-d'İvuar, Misir, Marokko və Keniyada bərpa olunan enerji mənbələrində hasilata sərmayə yatırmaq planlaşdırılır.

Bundan əvvəl Avropa Komissiyası Afrika dövlətlərində infrastrukturun inkişafı məqsədilə 150 milyon dollar həcmində “Afrika-Avropa” investisiya proqramının işə salındığını bildirmişdi.

Global Gateway proqramı Çinin “Bir kəmər-bir yol” iqtisadi konsepsiyasına qarşı Brüssel tərəfindən düşünülmüş strategiyadır. Onun əsas məqsədi strateji əhəmiyyətə malik, xüsusilə təbii ehtiyatlarla zəngin regionlarda Avropa İttifaqının iqtisadi mövqelərini gücləndirməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.