DÜNYA


Aİ-nin Rusiyaya qarşı 9-cu sanksiyalar paketi dekabrın 9-da təsdiqlənə bilər

Aİ-nin Rusiyaya qarşı 9-cu sanksiyalar paketi dekabrın 9-da təsdiqlənə bilər

Bakı, 8 dekabr, AZƏRTAC

Avropa İttifaqının Rusiyaya qarşı doqquzuncu sanksiyalar paketinin dekabrın 9-da qəbul olunacağı gözlənilir.

AZƏRTAC xarici KİV-ə istinadla xəbər verir ki, bunu Polşanın Avropa İttifaqındakı səfiri Anjey Sados jurnalistlərin suallarına cavabında deyib.

Onun sözlərinə görə, yeni sanksiyalar paketinə Varşavanın Latviya, Litva və Estoniya tərəfindən dəstəklənən təklifləri daxil ediləcək. “Biz ikili təyinatlı malların və Rusiyanın silah sektoru ilə çalışan kompaniyaların siyahısını xeyli genişləndiririk. Eyni zamanda, bu ölkənin dağ-mədən sənayesinə sərmayə yatırılmasına qadağa qoyuruq, 200-ə yaxın insanı və kompaniyanı sanksiya siyahısına əlavə edirik”, - deyə Anjey Sados bildirib.

Avropa İttifaqı indiyədək 1241 rusiyalını, həmçinin Rusiyada fəaliyyət göstərən 118 kompaniya və təşkilatı “qara siyahıya” daxil edib.

 

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.