ƏLİ BAYRAMLIDA TRENİNQ KEÇİRİLMİŞDİR

Əli Bayramlida YUNİFEM-in “Qadınlar cənubi Qafqazda münaqişələrin qarşısının alınması və sülh yaradılması uğrunda” layihəsinin dəstəyi ilə üçgünlük treninq keçirilmişdir.

Əli Bayramlı, Sabirabad və Hacıqabul qadınlarının təmsil olunduğu tədbirdə “Lider qadınlar üçün sülhyaratma fəaliyyətində gender bərabərliyinin təmin edilməsi” mövzusu müzakirə obyektinə çevrilmişdir. Sülhyaratma, münaqişələrin həlli, qadınlara qarşı zorakılıqla mübarizə məsələləri barədə fikir mübadiləsi aparılmışdır.

Treninqdə Qadın Problemləri üzrə Dövlət Komitəsi sədrinin müavini Möminat Ömərova, Qadın hüquqları və gender məsələləri üzrə qeyri-hökumət təşkilatının sədri Rəna Mirzəzadə iştirak etmişlər.