DÜNYA
ALMANİYADA QƏLP AVRO ƏSKİNASLARI“İSTEHSALÇILARI" HƏBS OLUNMUŞDUR
Polis saxta avro əskinaslarını ticarət mərkəzlərinin birində "əmttə-pul mübadiləsinə" buraxaraq istəyinə nail olan bir alıcını bilərəkdən cinayət başında yaxalamamış, ona alış-verişi davam etdirmək imkanı yaratmış və izinə düşmüşdür. Təqib etdikləri şəxsin izləri hüquq mühafizə orqanları əməkdaşlarını qəlp avro "çapçıları"nın Raynland Pfalts federal əyalətinin Köln, Offenbax və Aaxen şəhərlərində gizli fəaliyyət göstərən mərkəzlərinə aparıb çıxarmışdır. Cinayətkar qrup iş başında yaxalanmışdır. Qəlp avro istehsalçılarının istifadəsində olan beş zirzəmidə axtarışlar zamanı avro əskinasları istehsalı üçün mexaniki dəzgahlar, müvafiq kağız rulonları və lazımi boyalar, o cümlədən növbəti dövriyyə üçün hazırlanmış 2,5 milyon avro məbləğində təzə əskinaslar aşkar olunmuşdur. Araşdırmalar zamanı qəlp avro ustalarının çoxdan bu işlə məşğul olmaları aydınlaşmışdır.
Cinayətkar qrup həbs edilmiş və məsuliyyətə cəlb olunmuşdur.