İQTİSADİYYAT


ALMATIDA “NEFT VƏ QAZ” SƏRGİSİ KEÇİRİLMİŞDİR

Almatıda 11-ci beynəlxalq “Neft və qaz” sərgisi başa çatmışdır. Sərgidə ABŞ, Azərbaycan, Almaniya, Qazaxıstan, Yaponiya, Türkiyə, Rumıniya, Rusiya, Kanada, İran, Çexiya, Özbəkistan və başqa ölkələrdən gəlmiş 300-dən artıq elmi tədqiqat institutu və müxtəlif sənaye müəssisələrinin nümayəndələri iştirak etmişdir.

Azərbaycanı bu sərgidə “Neftkimyamaş” açıq tipli səhmdar cəmiyyətinin Elmi- tədqiqat və layihə-konstruktor neft maşınqayırma institutu, Keşlə maşınqayırma zavodu törəmə açıq səhmdar cəmiyyəti və Sumqayıtdakı “Azərboru” zavodu təmsil etmişlər. Bu müəssisələrin nümayəndələri sərgiyə son vaxtlar zavodda istehsal olunan müxtəlif tipli neft-qaz borularının nümunələrini gətirmişdilər.

Elmi-tədqiqat və layihə-konstruktor neft maşınqayırma intitutunun direktoru Rauf Cabbarov AZƏRTAC-ın müxbiri ilə söhbətində demişdir: - Neft maşınqayırma sahəsi Azərbaycanda geniş inkişafda olduğu üçün bu sərgidə iştirak etmək bizim birliyə həvalə edilib. Biz sərgiyə neft maşınqayırma sahəsində istehsal olunan neft-mədən və qazma avadanlıqlarının planşetlərini və yeni texnologiya layihələrini gətirmişik. Bizim işimizə böyük maraq var. Bir çox müəssisənin nümayəndələri ilə iş birliyi yaratmaq haqqında danışıqlar aparmışıq.

Keşlə maşınqayırma zavodunun nümayəndəsi Teymur İbadov: - Biz sərgiyə zavodda istehsal olunan neft avadanlıqlarının prospekt və texniki sənədlərini gətirmişik. Burada iştirak edən bir çox müəssisə və təşkilatın nümayəndələri ilə informasiya mübadiləsi etmişik və mən əminəm ki, bunun bəhrəsi olacaq.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.