DÜNYA


ƏL-ƏZHƏR UNİVERSİTETİNDƏ İSLAHATLAR APARILIR

AZƏRTAC-ın Qahirədən aldığı xəbərə görə, məşhur Əl-Əzhər Universitetinin prezidenti doktor Əhməd ət-Tayyib bildirmişdir ki, ali məktəbin tədris proqramında islahatlar aparılmasına başlanmışdır. Məsələn, universitetin proqramına təbabət, mühəndislik, əczaçılıq, kənd təsərrüfatı fənləri və s. daxil ediləcəkdir. Təhsil proqramında bu cür islahatlar Misirin keçmiş prezidenti Camal Əbdül Nasirin dövründən bəri keçirilməmişdi.

Universitetin nəzdində Misirin müxtəlif bölgələrində yerləşən bir neçə kollec və digər tədris müəssisəsi fəaliyyət göstərir. Onların tədris proqramlarında da islahatlar aparılacaqdır. Universitet İslam Araşdırmaları Mərkəzi, habelə bir neçə qadın kolleci də təsis etmişdir. 1965-ci ildən universitetdə xarici dillər tədris olunur.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.