İDMAN


AMADA “Qəhrəmanların və dahilərin izi ilə təmiz qələbələrə doğru” adlı tədbir keçirib

Bakı, 18 aprel, AZƏRTAC

Aprelin 18-də Azərbaycan Milli Antidopinq Agentliyi (AMADA) “Qəhrəmanların və dahilərin izi ilə təmiz qələbələrə doğru" adlı tədbir keçirib.

AZƏRTAC xəbər verir ki, idmanda ədalət prinsipinin qorunması və təbliğinə həsr olunmuş tədbirdə məşhur idmançılar və idman mətbuatının nümayəndələri iştirak ediblər.

Çıxış edən AMADA-nın direktoru Şəfəq Hüseynli bildirib ki, Azərbaycan dövləti hər bir sahədə olduğu kimi, idmanda da ədalət prinsipinə sadiqdir və onu qorumağa çalışır. Azərbaycan hər zaman ədalətin yanındadır və ədalətli bərqərar edir. 44 günlük Vətən müharibəsi bunun ən bariz nümunəsidir. Azərbaycan Prezidenti İlham Əliyev idmanda da ədalətli yarışmaq və ölkəmizi ləyaqətlə təmsil etməyə böyük əhəmiyyət verir. Dövlət başçısının güləşçilərlə görüşdə səsləndirdiyi fikirlər bunu bir daha təsdiq edir.

Şəfəq Hüseynli deyib: “Dövlət başçısının fikirlərini rəhbər tutaraq AMADA idmanda ədalət prinsipinin daha geniş şəkildə təbliğ etmək üçün müəyyən tədbirlər həyata keçirir. 2022-ci ilin “Şuşa İli” elan olunduğunu da nəzərə alaraq bu şəhərdə “Qəhrəmanların və dahilərin izi ilə təmiz qələbələrə doğru” adlı bir layihə reallaşdırdıq. Həmin layihə əsasında isə eyni adlı videoçarx hazırlanıb”.

Ş.Hüseynli Şuşa səfərinin baş tutması və yaradılan şəraitə görə dövlətimizə xüsusi ilə də, Prezidentin Şuşa rayonunda xüsusi nümayəndəliyi, Şuşa Şəhəri Dövlət Qoruğu İdarəsi və orada fəaliyyət göstərən hüquq mühafizə orqanlarının əməkdaşlarına minnətdarlığını bildirib.

Daha sonra isə ədalətli idmanın və təmiz idman dəyərlərinin qorunmasında idmançıların və medianın rolu mövzusunda müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.