REGİONLAR


AMEA Naxçıvan Bölməsində Nizami Gəncəvi yaradıcılığı müzakirə olunub

Naxçıvan, 18 iyun, AZƏRTAC

Naxçıvan Bölməsində keçirilən növbəti yığıncaq oxunması zəruri olan kitablardan “Sirlər xəzinəsi” poeması və “Nizaminin hikmət və nəsihətləri” kitabının müzakirəsinə həsr olunub.

Bölmənin mətbuat xidmətindən AZƏRTAC-ın Naxçıvan bürosuna bildirilib ki, bölmənin sədri, akademik İsmayıl Hacıyev ölkə başçısı tərəfindən 2021-ci ilin Azərbaycanda “Nizami Gəncəvi İli” elan edilməsi ilə bağlı Sərəncamını xatırladıb. Qeyd edib ki, bu mühüm sənəd Nizami Gəncəvi irsinin yenidən və daha dərindən tədqiqinə şərait yaradıb. Bölmə rəhbəri müxtəlif tədqiqatçıların Nizami yaradıcılığı ilə bağlı əsərlərindən sitatlar gətirərək görkəmli Azərbaycan şairinin dünya ədəbiyyatındakı rolundan danışıb.

“Nizami Gəncəvinin əsərləri tarixi şəxsiyyətlərin təsviri və tədqiqi cəhətdən mühüm əhəmiyyətə malikdir”, - deyən akademik ədəbiyyatımızın parlaq simasının “Sirlər xəzinəsi” və “Nizaminin hikmət və nəsihətləri” kitabının “Oxunması zəruri olan kitablar Siyahısı”na daxil edilməsinin əhəmiyyətini vurğulayıb.

Müzakirədə AMEA Naxçıvan Bölməsi İncəsənət, Dil və Ədəbiyyat İnstitutunun şöbə müdiri, filologiya üzrə fəlsəfə doktoru, dosent Ramiz Qasımovun, filologiya üzrə fəlsəfə doktoru, dosent Firudin Rzayevin və dosent Aygün Orucovanın çıxışları dinlənilib.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.