ELM VƏ TƏHSİL


AMEA-da “Turkish Aerospace” şirkətinin nümayəndələri ilə görüş keçirilib

Bakı, 24 sentyabr, AZƏRTAC

Sentyabrın 24-də Azərbaycan Milli Elmlər Akademiyasının (AMEA) Rəyasət Heyətində “Turkish Aerospace” şirkətinin nümayəndələri ilə görüş keçirilib.

AMEA-dan AZƏRTAC-a bildirilib ki, məqsəd iki qurum arasında texniki elmlər üzrə birgə fəaliyyətə dair müzakirələr aparmaq və əməkdaşlıq perspektivlərini müzakirə etmək olub.

Görüşdə çıxış edən AMEA-nın vitse-prezidenti, akademik İbrahim Quliyev AMEA ilə “Turkish Aerospace” şirkəti arasında texniki elmlər istiqamətində birgə tədqiqatların yerinə yetirilməsinin məqsədəuyğun olduğunu vurğulayıb. Akademik bu sahədə kadr və təcrübə mübadiləsinin aparılmasının zəruriliyini qeyd edib.

“Turkish Aerospace” şirkətinin strateji və texnologiya üzrə idarəetmə rəhbəri, professor Fahrettin Öztürk bildirib ki, qeyd olunan istiqamətlərdə birgə əməkdaşlıq kompleks araşdırmaların aparılmasına, müxtəlif layihələrin həyata keçirilməsinə geniş imkanlar yaradacaq.

Daha sonra AMEA ilə “Turkish Aerospace” şirkəti arasında birgə fəaliyyətə dair sənədin imzalanması ilə bağlı fikir mübadiləsi aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.