ELM VƏ TƏHSİL


AMEA-nın Naxçıvan Bölməsinin əməkdaşlarının ötən il 673 elmi əsəri çap olunub

Bakı, 28 yanvar, AZƏRTAC

AMEA-nın Naxçıvan Bölməsinin əməkdaşlarının ötən il 673 elmi əsəri çap olunub.

AMEA-dan AZƏRTAC-a bildirilib ki, bunu Rəyasət Heyətinin növbəti iclasında bölmənin sədri akademik İsmayıl Hacıyev söyləyib. Akademik vurğulayıb ki, hesabat ilində, həmçinin üç buklet, üç xəritə tərtib edilib, iki patent və bir sənaye nümunəsi təsdiqlənib. Əsərlərdən üç monoqrafiya, 75 məqalə, 77 konfrans materialı, dörd tezis olmaqla 159 əsər xaricdə nəşr edilib. Məqalələrin 17-si “Clarivate Analytics” olmaqla, 46-sı impakt faktorlu jurnallarda çapdan çıxıb. Elmi məqalələrin 70-i xaricdə olmaqla 337-si beynəlxalq kodlu nüfuzlu elmi jurnallarda işıq üzü görüb. Həmçinin bölmədə bir beynəlxalq, iki respublika, beş muxtar respublika, 13 bölmə səviyyəli konfrans, on tədbir, oxunması zəruri olan 5 kitabın müzakirəsi və 9 təqdimat keçirilib.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.