ELM VƏ TƏHSİL


AMEA-nın Radiasiya Problemləri İnstitutunda ukraynalı alimin məruzəsi dinlənilib

Bakı, 29 yanvar, AZƏRTAC

Azərbaycan Milli Elmlər Akademiyasının (AMEA) Radiasiya Problemləri İnstitutunda (RPİ) ukraynalı alimlə görüş keçirilib.

İnstitutdan AZƏRTAC-a bildirilib ki, görüşdə çıxış edən AMEA-nın müxbir üzvü, professor Oqtay Səmədov qonağa rəhbərlik etdiyi elmi müəssisənin fəaliyyəti haqqında məlumat verib.

Sonra “Ukrayna-Azərbaycan Beynəlxalq Elm-Təhsil Mərkəzinin” Ukrayna tərəfdən rəhbəri, doktor Taras Kavetski "Polimerlərdə və mürəkkəb birləşmələrdə ion – induksiyaedici proseslər" mövzusunda məruzə ilə çıxış edib. O, tərkibindəki atomların atom kütlələri nəzərəçarpacaq dərəcədə fərqli olan bəzi mürəkkəb birləşmələrdə defekt meydana gəlməsi ilə müqayisədə, az enerjili ionlarla şüalanan polimerlərdə qüsur meydana gəlməsi mexanizmlərinin ən vacib xüsusiyyətlərinin müəyyənləşdirilməsi problemlərindən geniş bəhs edib. Məruzəçi, həmçinin bu prosesləri öyrənmək üçün pozitron anihilyasiya spektroskopiyası metodlarından istifadənin xüsusiyyətlərini göstərib.

Məruzə görüş iştirakçıları tərəfindən maraqla qarşılanıb, professorlar Rövşən Xəlilov və Rauf Sərdarlının iştirakı ilə geniş fikir mübadiləsi aparılıb.

Görüşün sonunda birgə qrant layihələrinin və nüfuzlu beynəlxalq jurnallarda elmi nəşrlərin hazırlanması üçün “Ukrayna-Azərbaycan Beynəlxalq Elm-Təhsil Mərkəzi” ilə RPİ, həmçinin Polşa və Ukrayna universitetləri arasında əməkdaşlığın perspektivlərinə dair müzakirələr aparılıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.