ELM VƏ TƏHSİL


AMEA-nın əməkdaşı nüfuzlu jurnalın rəyçi sertifikatı ilə təltif edilib

Bakı, 19 oktyabr, AZƏRTAC

Azərbaycan Milli Elmlər Akademiyasının (AMEA) İnformasiya Texnologiyaları İnstitutunun böyük elmi işçisi, texnika üzrə fəlsəfə doktoru, dosent Lyudmila Suxostat elmi ekspertiza fəaliyyətinə görə ABŞ-ın “Computer Standards & Interfaces” jurnalının redaksiya heyəti tərəfindən rəyçi sertifikatı ilə təltif edilib.

İnstitutdan AZƏRTAC-a bildirilib ki, “Thomson Reuters” siyahısına daxil olan jurnalda proqram təminatının keyfiyyəti, interfeys və metodları, kompüter standartları və onların tətbiqi üzrə fəaliyyət və inkişaf barədə tədqiqat materialları, icmal və qısa məqalələr dərc edilir.

Jurnalının əsas elmi istiqamətlərinə standartların hazırlanması və tətbiqi, informasiyanın idarə olunması, proqram təminatının keyfiyyəti, paylanmış sistemlər, eləcə də açıq sistemlər və şəbəkə təhlükəsizliyi sahəsində alqoritm və metodların işlənməsi, rəqəmsal alətlər üçün modelləşdirmə, testləşdirmə, analoq və rəqəmsal emal standartlaşdırması daxildir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.