CƏMİYYƏT


ANAMA: Şamaxıda partlamamış hərbi sursat aşkarlanıb

Bakı, 22 mart, AZƏRTAC 

Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Şamaxı rayon polis şöbəsindən rayonun Şəhriyar qəsəbəsi ərazisində 6 ədəd mərmi tapılması barədə məlumat daxil olub.

ANAMA-dan AZƏRTAC-a bildiriblər ki, məlumat alındıqdan dərhal sonra agentliyin xüsusi mobil çevik əməliyyat qrupu və Şamaxı rayon polis şöbəsinin əməkdaşları əraziyə göndərilib, Zoğalavay çayının kənarına baxış keçirilib. Yerli əhalinin təhlükəsizliyini təmin etmək məqsədilə ərazi polis tərəfindən əhatəyə alınıb. Aparılan əməliyyat-axtarış tədbirləri nəticəsində 7 ədəd müxtəlif növ partlamamış hərbi sursat və tərkibində heç bir partlayıcı maddə olmayan 1 ədəd 82 mm-lik minaatan mərmisi (O-832) aşkarlanıb, zərərsizləşdirilməsi üçün agentliyin mərkəzi məhvetmə ərazisinə aparılıb.

Partlamamış hərbi sursatların ətrafında 300 kvadratmetr əraziyə yerüstü baxış keçirilib, əlavə təhlükəli əşya və qurğu aşkarlanmayıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.