CƏBHƏ XƏBƏRLƏRİ


ANAMA: Sentyabrın 27-dən bu günədək Ermənistan silahlı qüvvələri Azərbaycan ərazisinə 13 ballistik raket atıb

Bakı, 29 oktyabr, AZƏRTAC

Oktyabrın 28-də Bərdəyə raket zərbəsi endirilib. Agentliyin əməliyyat-axtarış qruplarının apardıqları əməliyyat tədbirləri nəticəsində iki ədəd “Smerç” raketinin qalıqları aşkarlanıb. Həmin 9M525 kaset tipli raketin içində 72 bombacıq olur. Ümumilikdə Bərdədə 144 bombacıq tapılıb. Onların hər birinin tərkibində isə 330 qram partladıcı maddə və 456 qəlpə yerləşir.

AZƏRTAC xəbər verir ki, bu barədə Azərbaycan Respublikası Ərazilərinin Minalardan Təmizlənməsi üzrə Milli Agentliyinin (ANAMA) direktoru Qəzənfər Əhmədov Bərdədə təşkil edilən brifinqdə deyib.

O bildirib ki, oktyabrın 27-də Bərdəyə endirilən zərbədə də həmin raketdən istifadə olunub. Bundan əvvəl də Goranboy, Tərtər, Ağcabədi də mülki əhaliyə qarşı istifadəsi beynəlxalq konvensiyalara görə qadağan olunmuş kaset tipli raketlərin qalıqları və bombacıqları ANAMA tərəfindən aşkarlanıb. Eyni zamanda, Füzuli rayonunda ağ fosfor tərkibli partlamamış sursat aşkarlanaraq zərərsizləşdirilib.

ANAMA-nın direktoru qeyd edib ki, ümumiyyətlə, sentyabrın 27-dən bu günədək Ermənistan silahlı qüvvələri tərəfindən Azərbaycan ərazisinə 13 ədəd ballistik “Skad” tipli raketlərlə zərbələr endirilib. Həmin raketlərdən ikisi Gəncəyə, biri Mingəçevirə, biri Qəbələyə, biri Kürdəmir ərazisinə düşüb. Bundan başqa Füzuli rayonu ərazisində bir ədəd partlamamış “Toçka-U” raketi aşkarlanıb. Bu gün aparılan əməliyyatlar zamanı da kaset tipli “Smerç” raketinin bombacıqlarını zərərsizləşdiririk.

Eləcə də agentlik tərəfindən sentyabrın 27-dən 24 saat ərzində fəaliyyət göstərən 28 mobil əməliyyat-axtarış qrupları yaradılıb. Agentlik yerli əhalinin təhlükəsizliyi üçün zəruri tədbirləri görməyə davam edir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.