AQSİA-nın nümayəndə heyəti Tatarıstanda forumda iştirak edib

Bakı, 22 may, AZƏRTAC

Azərbaycanda Qadın Sahibkarlığının İnkişafı Assosiasiyasının (AQSİA) nümayəndə heyəti Tatarıstanın paytaxtı Kazan şəhərində keçirilən “Rusiya-İslam dünyası: Kazan Forum 2023” beynəlxalq iqtisadi forumda iştirak edib.

Bu barədə AZƏRTAC-a AQSİA-dan bildirilib.

Məlumata əsasən, Tatarıstan Respublikasının Dövlət Şurasının təşkilatçılığı ilə keçirilən, "İnternational Consultancy" şirkətinin baş direktoru Zəhra Xəlil Bakerin moderatorluq etdiyi "Sahibkar Qadınlar: Ailə və Biznes Balansı" adlı panel iclasında AQSİA-nın sədri Səkinə Babayeva çıxış edib. O, iclasda rəhbərlik etdiyi assosiasiya və qurumun əməkdaşlıq etdiyi yerli və beynəlxalq təşkilatlar barədə geniş məlumat verib.

S.Babayeva ölkəmizdə dövlətin qadın sahibkarlığına dəstəyi və qadınlara yönələn layihələr barədə söz açaraq, gündən-günə inkişaf edən assosiasiyanın həm regional, həm də beynəlxalq tərəfdaşlarla yeni iş birliyinə hazırlaşdığını vurğulayıb.