CƏMİYYƏT


“ASAN könüllü”ləri Binəqədi Rayon İcra Hakimiyyətində təcrübə keçiblər

Bakı, 17 aprel, AZƏRTAC

Aprelin 17-də Binəqədi Rayon İcra Hakimiyyətində təcrübə keçən 16 –cı qrup “ASAN könüllü”ləri ilə görüş keçirilib.

Görüşdə Binəqədi Rayon İcra Hakimiyyətinin başçısı Elxan Allahverdiyev, icra hakimiyyəti başçısının müavini Aygün Əliyeva, ictimai-siyasi və humanitar məsələlərlə iş şöbəsinin müdiri Nicat Allahverdiyev və 16-cı qrup “ASAN könüllü”ləri iştirak ediblər.

Son illərdə dövlətimizin başçısı İlham Əliyevin rəhbərliyi ölkəmizdə könüllülük fəaliyyətinin geniş vüsət aldığını qeyd edən Elxan Allahverdiyev ölkəmizdə gənclər arasında könüllülük fəaliyyətinin artıq ənənəyə çevrildiyini bildirib. E.Allahverdiyev ölkəmizin ev sahibliyi etdiyi irimiqyaslı tədbirlərdə könüllü fəaliyyət göstərən gənclərimizin böyük uğura imza atmalarının dövlətimizin başçısı İlham Əliyevin könüllülərin fəaliyyətinə verdiyi yüksək qiymətin bariz nümunəsi olduğunu bildirib.

Daha sonra gənclər öz təəssüratlarını bölüşərək şöbələrdə öyrəndikləri işlər haqqında ətraflı məlumat veriblər.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.