İQTİSADİYYAT


“ASAN viza” sisteminin imkanları araşdırılıb

Bakı, 15 avqust, AZƏRTAC

Hotellər və Restoranlar Assosiasiyası qonaqpərvərlik və turizm sektorunda araşdırmalar və analitika işini davam edərək növbəti layihə həyata keçirib.

Assosiasiyadan AZƏRTAC-a bildirilib ki, layihənin əsas məqsədi “ASAN viza” sisteminin funksionalını və imkanlarını araşdırmaq, onun turizm sənayesi və turistlər üçün rahat olmasının qiymətləndirilməsi və nəticə etibarilə bu sisteminin təkmilləşdirilməsinə yardımçı olmaqdan ibarətdir.

Qeyd edək ki, “Elektron vizaların verilməsi prosedurunun sadələşdirilməsi və “ASAN viza” sisteminin yaradılması haqqında” Azərbaycan Respublikası Prezidentinin müvafiq Fərmanı ilə ölkəyə səfər edən xarici vətəndaşlara və vətəndaşlığı olmayanlara keçən ildən etibarən elektron vizaların verilməsinə başlanılıb. Yeni və innovativ sistemin yaradılması ölkəyə səfər etmək arzusunda olan turistlər üçün geniş imkanlar yaradıb, onların viza almaq prosedurlarını olduqca sadələşdirib. Dövlət başçısının digər fərmanları əsasında isə “ASAN viza” sistemi təkmilləşdirilib və əlavə imkanlar tətbiq edilib.

Assosiasiya bir qrup könüllülər və cəlb edilmiş ekspertlərlə bərabər “ASAN viza” sistemində müxtəlif testlər keçirib, bir sıra turizm agentliklərinin və turistlərin sistem haqqında fikirlərini öyrənib. Toplanan rəylər nəticəsində ekspertlər sistemin funksionalında bir sıra çatışmazlıqlar aşkar edib, eyni zamanda arzu olunan əlavə imkanlar haqqında fikirlər müzakirə olunub. Əldə edilmiş nəticələr, sənaye nümayəndələrinin və turistlərin istək və arzuları, ekspertlərin tövsiyələri assosiasiya adından “ASAN viza” sisteminə ünvanlanmış məktubda açıqlanıb.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.