CƏMİYYƏT


“ASAN xidmət” kollektivi ümummilli lider Heydər Əliyevin xatirəsini yad edib

Bakı, 10 may, AZƏRTAC

Mayın 10-da ölkəmizdə müstəqil Azərbaycanın memarı və qurucusu, görkəmli dövlət xadimi, xalqımızın ümummilli lideri Heydər Əliyevin anadan olmasının 99-cu ildönümü kimi qeyd olunur.

Bu münasibətlə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin kollektivi tərəfindən Fəxri xiyabanda Heydər Əliyevin xatirəsi ehtiramla yad edilib, Ulu Öndərin məzarı ziyarət edilib və gül dəstələri qoyulub.

Görkəmli oftalmoloq-alim, akademik Zərifə xanım Əliyevanın da xatirəsi ehtiramla anılıb, məzarı üzərinə gül dəstələri qoyulub.

Sonra Azərbaycan Rəssamlar İttifaqında “ASAN Könüllüləri” Təşkilatının və YAP Gənclər Birliyinin birgə təşkilatçılığı ilə “Müstəqil Azərbaycanın memarı - Heydər Əliyev” sərgisinin açılış mərasimi keçirilib.

Bu barədə AZƏRTAC-a agentliyin İctimaiyyətlə əlaqələr şöbəsindən məlumat verilib.

Bildirilib ki, tədbirdə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev, gənclər və idman nazirinin müavini Fərhad Hacıyev, Azərbaycan Rəssamlar İttifaqının sədri Fərhad Xəlilov, Milli Məclisin deputatı Tahir Mirkişili, Yeni Azərbaycan Partiyası Gənclər Birliyinin sədri Bəxtiyar İslamov və “ASAN Könüllüləri” Təşkilatının sədri Emiliya Bayramova iştirak ediblər.

Sərgidə ASAN könüllüsü İsmayıl Hacıyevin dövlətçilik, vətənpərvərlik, tarix, təbiət mövzularında ümumilikdə 24 əl işi nümayiş etdirilir. Əsərlərlə tanışlıqdan sonra “ASAN Könüllüləri” Təşkilatının “Mədəniyyət carçısı” proqramı çərçivəsində musiqi kompozisiyaları səsləndirilib.

Mayın 13-dək davam edəcək sərgiyə giriş sərbəstdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.