CƏMİYYƏT


“ASAN xidmət”dən yeni il üçün fərqli aksiya

Bakı, 10 dekabr, AZƏRTAC 

“ASAN xidmət” “Daha yaşıl illər üçün” adlı aksiyaya başlayıb. Belə ki, “ASAN xidmət” mərkəzlərində vətəndaşların bəzəməsi üçün fərqli şam ağacları quraşdırılıb.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən AZƏRTAC-a bildirilib ki, aksiya zamanı xidmət aldıqdan sonra vətəndaşlar öz növbə biletlərini şam ağaclarının budaqlarına asacaqlar. Bununla da iştirakçılar yaşıl gələcək üçün çağırış etmiş olacaqlar. Asılmış bütün kağızlar sonda təkrar emala qaytarılacaq.

Yanvarın 10-na qədər davam edəcək layihənin məqsədi kağız israfını azaltmaq və təkrar emalı təşviq etmək yolu ilə ağacların qorunmasına, təbiətin mühafizəsinə və ekoloji balansın saxlanılmasına nail olmaqdır.

Xatırladaq ki, “ASAN xidmət”in "Yaşıl ASAN" təşəbbüsü çərçivəsində 1000 ton kağız təkrar emala qaytarılıb. Bu isə 17 min ağacın təbiətə qaytarılması deməkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.