DÜNYA


ASEAN ölkələrinin liderləri Myanmaya xüsusi nümayəndənin göndərilməsi barədə razılığa gəliblər

Tokio, 25 aprel, AZƏRTAC

Cənub-Şərqi Asiya Dövlətləri Assosiasiyasına (ASEAN) daxil olan ölkələrin liderləri Myanmaya vasitəçi statuslu xüsusi nümayəndənin göndərilməsi barədə razılığa gəliblər. Onun vəzifəsi fevralda bu ölkədə baş vermiş hərbi çevrilişdən sonra hələ də davam edən böhranın sülh yolu ilə aradan qaldırılmasına yardım göstərməkdən ibarət olacaq.

AZƏRTAC xəbər verir ki, bu barədə qərar aprelin 24-də ASEAN ölkələri liderlərinin Cakartada keçirilən sammitində qəbul edilib. Görüşdə Myanmanın baş generalı, hərbi çevrilişə birbaşa rəhbərlik etmiş Min Aun Xlayn da iştirak edib.

Təşkilatın hazırkı sədrinin adından qəbul edilən bəyanatda ASEAN liderləri Myanmada yaranmış vəziyyətdən ciddi narahatlıqlarını ifadə ediblər. Bəyanatda ölkə daxilində sülhün əldə edilməsi üçün beş bənddən ibarət vəzifələr də əksini tapıb.

Samitdə iştirak edən Sinqapurun Baş naziri Li Syan Lun bildirib ki, görüş zamanı Myanmanın baş generalı ASEAN nümayəndəsinin ölkəsinə səfər etməsinə və bu ölkəyə humanitar yardımın göstərilməsinə etiraz etməyib.

 

Vüqar Ağayev

AZƏRTAC-ın xüsusi müxbiri

Tokio

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.