SİYASƏT


AŞPA-nın komitə iclasında Milli Məclisin deputatının məruzəsi yüksək qiymətləndirilib

Strasburq, 10 oktyabr, AZƏRTAC

Avropa Şurası Parlament Assambleyasının payız sessiyası çərçivəsində təşkilatın sosial işlər, sağlamlıq və davamlı inkişaf komitəsinin iclasında AŞPA-dakı nümayəndə heyətimizin üzvü, Milli Məclisin deputatı Sevinc Fətəliyevanın “Silahlı münaqişələrin qurbanı olan uşaqların müdafiəsi” adlı məruzəsi müzakirə olunub.

Aktuallığı ilə diqqəti cəlb edən bu məruzə komitə üzvləri tərəfindən dəstəklənib və yüksək qiymətləndirilib. AŞPA-da hökm sürən hazırkı böhran zamanı azərbaycanlı deputatın məruzəsinin yüksək qiymətləndirilməsi təqdirəlayiqdir.

Sevinc Fətəliyevanın hazırladığı məruzədə dünyada uşaqların valideyn himayəsindən məhrum olmalarının, zorakılığa məruz qalmalarının, əlil olmalarının yeni fəsadlar yaradacağı və gələcək üçün çox təhlükəli olduğu qeyd edilir. Məruzədə bütün ölkələr mövcud vəziyyətlə bağlı tədbirlər görməyə çağırılır.

Qeyd edək ki, Sevinc Fətəliyeva iki il AŞPA-nın sosial işlər, sağlamlıq və davamlı inkişaf komitəsinin uşaqlar üzrə baş məruzəçisi olub. Bu müddət ərzində onun fəaliyyəti müsbət qiymətləndirilib.

 

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.