SİYASƏT


AŞPA-nın növbəti Büro iclasında distant iclasların prosedurları müzakirə olunacaq

Strasburq, 4 may, AZƏRTAC

AŞPA-nın növbəti Büro iclası mayın 7-də keçiriləcək və distant iclasların aparılma qaydalarına dair memorandum müzakirə ediləcək.

AZƏRTAC xəbər verir ki, Büro iclasında, həmçinin COVID-19 pandemiyası müddətində komitələrin iş prosedurunun dəyişdirilməsinə dair memorandum qəbul edildiyi və komitələrin distant işləyəcəyi diqqətə çatdırılıb.

Bildirilib ki, distant iclaslar zamanı qəbul olunan qərarlar komitə üzvlərinin ən azı üçdəbirinin iştirakı olduqda hüquqi qüvvəyə malik olacaq.

Müəyyən qərarlar klassik və ya distant iclaslar zamanı qəbul edilə biləcək. Memorandumda bir sıra digər qərarlar sadalanaraq, onlarla bağlı komitə üzvləri ilə yazılı məsləhətləşmə aparılacağını və buna dair proseduranın əsas istiqamətləri də müəyyən edilib. Eyni zamanda, qətnamə təkliflərinin də müvəqqəti olaraq elektron vasitələrlə verilməsinə icazə verilib.

Qeyd edək ki, AŞPA-nın yay sessiyasının vaxtı naməlum tarixə qədər təxirə salınıb. Növbəti Büro iclasında yay sessiyasının tarixi ilə bağlı qərar qəbul olunacaq. AŞPA yay sessiyasının qurumun oktyabrda olacaq payız sessiyasından əvvəl keçiriləcəyi qeyd edilib.

 

Şəhla Ağalarova

AZƏRTAC-ın xüsusi müxbiri

Strasburq

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.