ELM VƏ TƏHSİL
A.S.PUŞKİNİN NAĞILLARI ƏSASINDA UŞAQ BAYRAMI KEÇİRİLƏCƏKDİR
Azərbaycanın Rusdilli Təhsil Müəssisələri Müəllimləri Assosiasiyası (təsisçi rus icması və təhsil müəssisələrinin pedaqoji kollektivləridir) dekabrda A.S.Puşkinin nağılları əsasında uşaq şənliyi keçirəcəkdir. Məktəblilər şairin uşaqlıq və yeniyetməlik illərindən danışacaq, onun nağıllarının motivləri əsasında səhnəciklər göstərəcəklər.
Assosiasiyanın sədri Lyubov Yakuninə AZƏRTAC-ın müxbirinə bildirmişdir ki, şənlik Rusiyanın Azərbaycandakı səfirliyinin dəstəyi ilə Bakı məktəblərindən birində keçiriləcəkdir.