Avqustun 31-dən sentyabrın 2-dək Astanada MDB-nin üzvü olan dövlətlərin ali maliyyə nəzarəti orqanları rəhbərləri Şurasının 5-ci sessiyası keçiriləcəkdir.

AZƏRTAC-ın xüsusi müxbiri xəbər verir ki, sessiyada Azərbaycan, Belarus, Gürcüstan, Qırğızıstan, Moldova, Rusiya, Ermənistan, Tacikistan və Ukrayna nümayəndə heyətləri iştirak edəcəklər.

İştirakçılar ali maliyyə nəzarəti orqanlarının fəaliyyətində şəffaflıq, nəzarətin qanun çərçivəsində və metodoloji cəhətdən düzgün qurulmasının təmin olunması, nəzarət orqanları tərəfindən istifadə edilən terminlər lüğətinin təhlili və s. məsələləri müzakirə edəcəklər.

Sessiyanın yekununda Deklarasiya qəbul olunacaqdır.