AZƏRTAC-ın müxbiri xəbər verir ki, Astara rayon mərkəzi kitabxanasında 31 mart – Azərbaycanlıların soyqırımı gününə həsr olunmuş “İki əsr davam edən soyqırımı haqqında həqiqətlər” mövzusunda xatirə gecəsi keçirilmişdir.

Tədbirdə ümummilli liderimiz Heydər Əliyevin və soyqırımı qurbanlarının xatirəsi birdəqiqəlik sükutla yad edilmişdir.

Rayon mərkəzləşmiş kitabxana sisteminin direktoru Nazim Fərəməzov toplantıda məruzə ilə çıxış etmişdir.

Xatirə gecəsində çıxış edənlər “böyük Ermənistan” yaratmaq xülyası ilə azərbaycanlılara qarşı soyqırımı siyasəti həyata keçirən ermənilərin ölkəmizin müxtəlif bölgələrində törətdikləri vəhşilikləri pisləmiş, tarixin ibrət dərslərini unutmamağa çağırmışlar.