ATƏT-İN SAHİBKAR QADINLAR ÜÇÜN TƏLİM PROQRAMI DAVAM EDİR

ATƏT-in Bakı ofisinin maliyyə dəstəyi ilə Müstəqil Hüquq Mərkəzi Balakən rayonunda “Sahibkar qadınlar üçün təlim” mövzusunda məşğələlər keçirmişdir.

Mərkəzdən AZƏRTAC-a bildirmişlər ki, ATƏT-in Bakı ofisinin rəhbəri səfir Piter Burhard qurumun Azərbaycandakı fəaliyyətindən, layihənin mahiyyətindən, bu sahədə görülən işlərdən danışmışdır.

İki gün davam edən məşğələlərdə aqrar istehsal, yüngül sənaye sahələrində fəaliyyət göstərən sahibkarlar, habelə sahibkarlıqla məşğul olmaq istəyənlər xüsusi proqram əsasında təlim keçmiş, əməli vərdişlərə yiyələnmişlər. Onlar rayonun özəl müəssisələrinə gedərək, sahibkar qadınların iş təcrübəsi ilə tanış olmuşlar.