SİYASƏT


ATƏT PA-nın sədri: Qarabağda hərbi əməliyyatların dayandırılması ilə bağlı bəyanat mühüm əhəmiyyət kəsb edir

Tbilisi, 11 noyabr, AZƏRTAC

Dağlıq Qarabağ bölgəsində hərbi əməliyyatların dayandırılmasını nəzərdə tutan bəyanatın imzalanması münaqişə bölgəsində mülki şəxslərin də həyatını qoruyacaq.

AZƏRTAC xəbər verir ki, bunu ATƏT-in Parlament Assambleyasının sədri Giorgi Tsereteli bildirib.

Müharibə zamanı həlak olanlarla əlaqədar başsağlığı verən ATƏT PA-nın sədri tərəfləri meyitlərin, hərbi əsirlərin mübadiləsinə dərhal başlamağa çağırıb.

Onun sözlərinə görə, dayanıqlı sülhə aparan yol bəzən müharibədən daha çətin olur.

“Məcburi köçkünlər və qaçqınların təhlükəsiz qayıtmasını təmin etmək, münaqişənin hərtərəfli həllinə nail olmağa və birgə gələcək qurmaq üçün bütün tərəfləri sülh danışıqlarına sadiqliklərini təsdiqləməyə çağırıram”, – deyə G.Tsereteli vurğulayıb.

Xətayi Əzizov

AZƏRTAC-ın xüsusi müxbiri

Tbilisi

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.