ELM VƏ TƏHSİL


ATMU-nun tələbələri təhsil krediti haqqında məlumatlandırılıb

Bakı, 23 may, AZƏRTAC

Azərbaycan Turizm və Menecment Universitetində (ATMU) Təhsil Tələbə Krediti Fondu tərəfindən maarifləndirmə tədbiri keçirilib.

Bu barədə AZƏRTAC-a ATMU-dan məlumat verilib. Bildirilib ki, ATMU-nun Biznes idarəçiliyi fakültəsinin dekanı Vüqar Nəzərov çıxışında tədbirin əhəmiyyətini qeyd edib.

Təhsil Tələbə Krediti Fondunun İdarə Heyətinin sədr müavini Tahir Xələfov fondun fəaliyyəti, kreditlərin verilməsinin ilkin şərtləri, mərhələləri, kredit şərtlərinin üstünlükləri və digər məsələlər barədə məlumat verib.

Fondun hüquqşünası Aysel Həsənova isə verilən kreditlərin iki qrupda yəni sosial həssas tələbələr və standart təhsil tələbə krediti alan tələbələr tərəfindən formalaşdığını bildirib. Vurğulanıb ki, tələbələr aldıqları kreditləri ali təhsil müəssisəsini bitirdikdən sonra 10 il ərzində hissə-hissə fonda qaytarmaq imkanına sahibdirlər.

Çıxış edənlər təhsildə əlçatanlıq, bərabər imkanların yaradılması, keyfiyyətin yüksəldilməsi məqsədilə çox aşağı və sərfəli faizlərlə uzunmüddətli zəmanətsiz və girovsuz, müxtəlif növ kreditlərin verilməsini şərtləndirən maarifləndirici tədbirin ATMU tələbələri üçün faydalı olacağına əminliklərini bildirib, onların suallarını cavablandırıblar.

 

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.