İQTİSADİYYAT


AYİB ölkəmizdə telekommunikasiya infrastrukturunun inkişafına dəstək göstərəcək

AYİB ölkəmizdə telekommunikasiya infrastrukturunun inkişafına dəstək göstərəcək

Bakı, 8 dekabr, AZƏRTAC

Avropa İttifaqının (Aİ) Qonşuluq və Genişlənmə danışıqları üzrə Baş direktorluğunun Şərq qonşuluğu və institusional quruculuq üzrə direktoru Lourens Mereditin ölkəmizə səfəri çərçivəsində rəqəmsal inkişaf və nəqliyyat naziri Rəşad Nəbiyevlə görüşü keçirilib. Görüşdə, həmçinin Avropa Yenidənqurma və İnkişaf Bankı və Avropa İnvestisiya Bankının nümayəndələri iştirak ediblər.

Rəqəmsal İnkişaf və Nəqliyyat Nazirliyindən AZƏRTAC-a bildirilib ki, görüş zamanı Aİ-nin İqtisadi və İnvestisiya Planı və bu plan çərçivəsində mümkün prioritet layihələrə dair fikir mübadiləsi aparılıb.

Eyni zamanda, Aİ-nin maliyyə mexanizmlərindən istifadə, Trans-Avropa nəqliyyat şəbəkələri (TEN-T) üzrə əməkdaşlıq, nəqliyyat dəhlizlərinin rəqəmsallaşdırılması kimi məsələlər müzakirə olunub.

Aİ nümayəndəsi ölkəmizdə həyata keçirilən nəqliyyat və rəqəmsallaşma layihələri, Zəngəzur dəhlizinin əhəmiyyəti və işğaldan azad olunmuş ərazilərimizdə görülən işlər barədə məlumatlandırılıb.

Prioritet istiqamətlər üzrə əməkdaşlığın genişləndirilməsi baxımından Azərbaycan-Aİ Yüksək Səviyyəli Nəqliyyat Dialoqunun ikinci iclasının 2023-cü ildə Bakıda keçirilməsinin önəmi qeyd olunub.

Görüşdə, həmçinin regionlarda telekommunikasiya infrastrukturunun inkişafı istiqamətində “Aztelekom” MMC və Avropa Yenidənqurma və İnkişaf Bankı arasında əməkdaşlıq məsələlərinə toxunulub.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.