“AZƏRBAYCANCA-ÇİNCƏ DANIŞIQ KİTABÇASI VƏ MÜXTƏSƏR LÜĞƏT” KİTABI ÇAP EDİLMİŞDİR

AZƏRTAC xəbər verir ki, Çin Xalq Respublikasında təhsil almış Orxan Hacalıyev “Azərbaycanca-çincə danışıq kitabçası və müxtəsər lüğət” kitabını çap etdirmişdir.

Müəllifin məqsədi Çinə gələn həmvətənlərinin burada ünsiyyət qura bilməsinə kömək etməkdir.

Kitab “Fonetika”, “Qrammatika”, “Söhbətlər”, “Çincə-Azərbaycanca lüğət” və “Azərbaycanca-çincə lüğət” adlı beş fəsildən ibarətdir.

Kitaba Çin Xalq Respublikasının Nonkai Universitetinin professoru Vanq Pen Min və müəllim Zhanq Li Sonq rəy vermişlər.

Lüğətdə 3026 ən işlək söz, 824 cümlə, 27 rəqəm və müxtəlif hesablama əməliyyatının heroqlifi, transkripsiyası və latın qrafikası ilə qarşılığı verilmişdir.