CƏMİYYƏT
AZƏRBAYCANDAN QAÇAQMALÇILIQ YOLU İLƏ GƏTİRİLƏN YÜK TUTULMUŞDUR
AZƏRTAC-ın xüsusi müxbiri xəbər verir ki, Gürcüstan maliyyə polisi Kvemo Kartli-Borçalı bölgə idarəsinin əməkdaşları Qırmızı Körpü gömrük-buraxılış məntəqəsində qaçaqmalla dolu mikroavtobusu saxlamışlar. Yük sahibi heç bir sənəd təqdim edə bilməmiş, 5 min ABŞ dolları məbləğində rüşvət təklif etsə də, polis onu “bağışlamamışdır”.
Kvemo Kartli-Borçalı bölgə maliyyə polisinin rəisi Koka Sulaya bildirmişdir ki, Azərbaycandan ayaqqabı və paltar gətirən mikroavtobusdakı malların heç bir sənədi yoxdur. Mikroavtobus Lilo terminalına aparılmışdır. Hadisə ilə bağlı istintaq gedir.