İQTİSADİYYAT


AZƏRBAYCANIN 49 RAYONU TƏBİİ QAZLA TƏMİN EDİLMİŞDİR

“Azəriqaz” Qapalı Səhmdar Cəmiyyətindən bildirmişlər ki, bu günədək Azərbaycanın 49 rayonu təbii qazla təmin edilmişdir. İsitmə mövsümü başlananadək istehlakçıların 75-80 faizi “mavi yanacaq” alacaqdır.

Respublikada qaz bölgüsünə cavabdeh olan şirkət qışa hazırlıq üçün bütün zəruri tədbirləri görmüşdür. Hazırda iki yeraltı qaz anbarına 430 milyon kubmetr qaz vurulmuşdur, yaxın vaxtlarda isə bu həcm yarım milyard kubmetrə çatdırılacaqdır.

Naxçıvan Muxtar Respublikasının qaz təchizatı probleminin aradan qaldırılması planlaşdırılır və bu məqsədlə ötən ilin axırlarından İranla danışıqlar aparılır. Muxtar Respublikaya İrandan ildə 300-350 milyon kubmetr qaz göndərmək haqqında sazişin layihəsi artıq hazırdır. Sənədin bu ilin axırlarında imzalanacağı gözlənilir.

Azərbaycan bunun əvəzini öz qazı ilə ödəyəcəkdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.