Xəbər verdiyimiz kimi, Azərbaycan Respublikasının Prezidenti İlham Əliyev aprelin 29-da Strasburqda Avropa Şurası Parlament Assambleyasının yaz sessiyasının iclasında çıxış etmişdir.

İclas salonuna gələn Prezident İlham Əliyevi AŞPA-nın rəhbərliyi və deputatlar alqışlarla qarşıladılar.

AŞPA-nın sədri PİTER ŞİDER iclası açaraq dedi:

- Mən Azərbaycan Respublikasının Prezidenti cənab İlham Əliyevi böyük məmnuniyyətlə Assambleyamızda salamlayıram. Onunla birgə xarici işlər nazirini, Prezidenti müşayiət edən rəsmiləri salamlayırıq. Biz şadıq ki, burada, bizim Assambleyada iştirak edirsiniz. Xüsusi alqışlar Azərbaycan Respublikasının Prezidentinə, Assambleyanın sabiq üzvünə, sabiq sədr müavininə ünvanlanmışdır. Amma cənab Prezident, sadəcə olaraq, sabiq deyil, o, bizim bir sıra tədbirlərin və müzakirələrin fəal iştirakçısıdır. Cənab Prezident, burada olmağınızdan məmnunuq. Buraya gəldiyinizə görə Assambleya adından Sizə münnətdarlığımı bildirirəm. Deputatlara bildirim ki, çıxışdan sonra cənab Prezident sualları cavablandırmağa da razılıq vermişdir.

Cənab Əliyev, cənab Prezident, yüksək kürsü Sizindir.