RƏSMİ XRONİKA
AZƏRBAYCANIN BAŞ NAZİRİ İLHAM ƏLİYEV LƏNKƏRANDA OLMUŞDUR
LƏNKƏRAN DÖVLƏT UNİVERSİTETİNİN MÜƏLLİMİ MİRHAŞIM TALIŞLININ ÇIXIŞI
- Hörmətli cənab Baş nazir İlham Əliyev! Bu gün Lənkəranın ən unudulmaz günlərindən biridir. Sizin Baş nazir kimi rayonumuza gəlişiniz hamımızın böyük sevincinə səbəb olmuşdur. Axı, əziz Prezidentimiz Heydər Əliyev kimi, Siz də həmişə Lənkərana diqqət və qayğı göstərmisiniz. Elə bu gün açılışına toplaşdığımız möhtəşəm idman kompleksi də məhz bu diqqət və qayğının nəticəsidir. Biz lənkəranlılar inanırıq ki, mübarək qədəmlərinizdən sonra rayonumuzda daha böyük tərəqqi və inkişaf baş verəcəkdir. Çünki Sizin atanız, dünya şöhrətli şəxsiyyət, sevimli Prezidentimiz Heydər Əliyev hər dəfə Lənkərana gələndən sonra rayonun ictimai və təsərrüfat həyatında böyük dəyişikliklər baş vermişdir. Həmin səfərlər zamanı cənab Prezidentin təşəbbüsü ilə rayonda tikilmiş yeni sənaye müəssisələri, fabrik və zavodlar, təhsil, səhiyyə obyektləri, mədəniyyət ocaqları istifadəyə verilirdi. Əziz Prezidentimizin bu qayğısını dönə-dönə xatırlayan lənkəranlılar əmindirlər ki, Heydər Əliyev kimi tarixi bir şəxsiyyətin məktəbini keçmiş, onun şəxsi nümunəsindən tərbiyə almış istedadlı və bacarıqlı dövlət xadimi məhz Heydər Əliyevin siyasi xəttini davam etdirəcəkdir. Siz artıq bu xəttin layiqli davamçısı olduğunuzu iradəli, cəsarətli və qətiyyətli mövqeyinizlə dövlət vəzifəsində də, Milli Məclisdə də, Avropa Şurasında da sübut etmisiniz. İdmanın inkişafındakı misilsiz xidmətləriniz ən yüksək qiymətə layiqdir. Əziz İlham Əliyev, oktyabrın 15-də Azərbaycan xalqı özünün yeni prezidentini seçəcəkdir. Bu Prezident Siz olacaqsınız. Çünki xalqımızın dahi oğlu, böyük xilaskarımız əziz Heydər Əliyev Sizin namizədliyinizi məsləhət görmüşdür. Bizim də gözümüz üstündə yeriniz vardır. Biz ağsaqqallar da Sizinləyik. Heydərin, həm xalqın ilhamı İlham, Gəncliyin arzusu, məramı İlham. Heydər məktəbinin davamı İlham, Bu yol, ey yol gələn, mübarək olsun! Mübarək dediyin qəlbə şəfadır, Təbrikdir, uğurdur, xeyir-duadır. Müsafir, diləyim Haqqdan şəfadır, Söz qopur dilimdən, mübarək olsun!