AZƏRTAC xəbər verir ki, oktyabrın 19-da Bakıda boks üzrə dünya kuboku uğrunda yarışın finalçıları məlum olmuşdur.

Planetin ən güclü komandalarından sayılan Kuba yığması meydan sahibi Azərbaycan yığması ilə qarşılaşmışdır.

Təcrübəli Kuba bokçuları Azərbaycan yığmasını tam üstünlüklə (11:0) məğlub edərək finala vəsiqə qazanmış ilk komanda olmuşlar. Azərbaycan yığması isə öz qrupunun ikincisi kimi turnirin bürünc medallarına layiq görülmüşdür.

Axşam saatlarında isə digər qrupda Rusiya yığması Afrika qitəsinin komandasını 9:2 hesabı ilə məğlub edərək qrupda birinci yeri tutmuşdur.

Beləliklə, oktyabrın 21-də keçiriləcək dünya kubokunun finalında Rusiya və Kuba komandaları qarşılaşacaqlar.

Oktyabrın 20-də isə Rusiya ilə bir qrupda yarışan Ukrayna və Çin yığmaları arasında görüşdən sonra ikinci bürünc mükafatçı müəyyənləşəcəkdir.