Azərbaycanın kişilərdən ibarət yığması son iki görüşdə Malta idmançılarına 3:1, Nikaraqua komandasına isə gərgin qarşılaşmada 3:2 hesabı ilə uduzaraq, yarışları qrupda üçüncü yerdə başa vurmuşdur.

Səbinə Əhmədova, Büllurə Eminova və Xəyalə Qiyasovadan ibarət yığma komandamız isə çempionatda uğurlu çıxışlarını davam etdirir.

Cənubi Afrika Respublikasının yığması üzərində qələbə (3:0) və Pakistan millisinə məğlubiyyətdən (3:1) sonra, tennisçilərimiz növbəti iki qarşılaşmada Yeni Kaledoniya və Mən adasının yığmasına eyni hesabla - 3:0 qalib gəlmişlər. Hazırda bu qrupda İran idmançıları birinci, Azərbaycan komandası isə ikinci yerdədir.

Tennisçilərimizin növbəti rəqibləri Toqo, İran və Maldiv yığmaları olacaqlar.