AZƏRTAC-ın xüsusi müxbiri xəbər verir ki, aprelin 29-da Kiyevdə Vitali və Vladimir Kliçko qardaşlarının mükafatları uğrunda boks üzrə 4-cü beynəlxalq turnir başa çatmışdır.

Kiyev Politexnik Universitetinin idman sarayında dünyanın 10-dan çox ölkəsindən ordu idman klubları nümayəndələri yarışmışlar.

Azərbaycan Müdafiə Nazirliyi Mərkəzi İdman Klubunun nümayəndələri Nəsimi Aydınov və Rəşad Abbasov turnirin gümüş medalını qazanmışlar.

İdmançılarımıza mükafatları Azərbaycanın Ukraynadakı səfiri Tələt Əliyev təqdim etmişdir.