İDMAN


AZƏRBAYCAN İDMANÇISI BÜRÜNC MEDAL ALMIŞDIR

Daşkənddə sərbəst və yunan-Roma güləşi üzrə Özbəkistanın müstəqilliyi kuboku uğrunda keçirilən turnir başa çatmışdır. 

AZƏRTAC-ın müxbiri Özbəkistandan xəbər verir ki, Azərbaycan, Almaniya, ABŞ, Gürcüstan, Qazaxıstan, Rusiya, Türkmənistan, Qırğızıstan, Koreya, Qətər və başqa ölkələrdən gəlmiş idmançılar üç gün ərzində paytaxtın möhtəşəm “Yunusabad” idman kompleksində öz güclərini sınamışlar.

Azərbaycanlı güləşçi Fərid Mansurov yunan-Roma güləşi üzrə 66 kiloqram çəki dərəcəsində bürünc medal almışdır.

Yarışlarda Azərbaycanın Özbəkistandakı səfiri Aydın Əzimbəyov, səfirliyimizin əməkdaşları, Azərbaycan diasporunun üzvləri iştirak etmişlər.

Qulu Kəngərli

AZƏRTAC-ın xüsusi müxbiri

Daşkənd

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.