ELM VƏ TƏHSİL
AZƏRBAYCAN MİLLİ ELMLƏR AKADEMİYASININ PREZİDENTİ BEYNƏLXALQ KONFRANSDA MƏRUZƏ ETMİŞDİR
AZƏRTAC xəbər verir ki, Ukraynanın paytaxtı Kiyev şəhərində Elmlər Akademiyalarının Beynəlxalq Assosiasiyasının (EABA) “Biliklərə əsaslanan cəmiyyət: elmlərə və alimlərə yeni çağırış” mövzusunda beynəlxalq konfrans keçirilmişdir.
20-dək ölkənin elm və təhsil müəssisələri rəhbərlərinin, 300-ə qədər alim və mütəxəssisin iştirak etdiyi konfransın birinci ümumi iclasında Azərbaycan Milli Elmlər Akademiyasının prezidenti, akademik Mahmud Kərimov “Dövlət prioritetləri sistemində elmin problemləri” mövzusunda məruzə etmiş, ikinci ümumi iclasın isə sədri olmuşdur.
Tədbirdə elm və təhsilin, innovasiya fəaliyyətinin müxtəlif problemlərinə dair fikir mübadiləsi də aparılmışdır.