Azərbaycan Respublikasının Prezidenti vəzifəsinə seçilməyiniz münasibətilə lütfən ən səmimi təbriklərimi qəbul edin.

Bu gün Siz Azərbaycan Respublikasında və onun hüdudlarından uzaqlarda insanların ehtiyaclarını bilən, düşünülmüş qərarlar qəbul etməyə və onları ardıcıl surətdə həyata keçirməyə qadir olan fəal siyasətçi və ictimai xadim kimi tanınmısınız.

Seçkilərin nəticələri sülh, sabitlik və tərəqqi siyasətinə səs vermiş Azərbaycan xalqının arzu və iradəsini açıq bir şəkildə nümayiş etdirmişdir.

Seçkilərdə qazandığınız qələbə inam yaradır ki, respublikada demokratik dəyişikliklər və iqtisadi islahatlar bundan sonra da davam etdiriləcəkdir.

Sizə bütün qəlbimlə möhkəm cansağlığı, sonsuz enerji, xoşbəxtlik və Azərbaycanın rifahı yolunda uğurlar arzulayıram.

Səmimi hörmətlə,

Səfa Gömdəniz

“Burc” şirkəti idarə heyətinin sədri

Ankara, 22 oktyabr 2003-cü il.