RƏSMİ SƏNƏDLƏR
AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB HEYDƏR ƏLİYEVƏ
Çox hörmətli Heydər Əlirza oğlu!
Yubileyiniz münasibətilə ən səmimi təbriklərimi qəbul edin. Sizin dövlət rəhbəri kimi istedadınız zamanı qabaqlayır və Azərbaycanın iqtisadiyyatının, infrastrukturunun və sosial sahənin inkişafı üçün hər cür şərait yaradır. Siz elə bir yaşa və sosial vəziyyətə çatmısınız ki, hər bir il bütövlükdə böyük, parlaq və zəngin həyatdır və bu gün mən, əziz Heydər Əlirza oğlu, Sizə tükənməz enerji və cansağlığı arzulayıram. Bu, Azərbaycanın bundan sonra da çiçəklənməsi üçün lazımdır, Rusiya-Azərbaycan münasibətlərinin strateji inkişafı və möhkəmlənməsi üçün lazımdır.
Heydər Əlirza oğlu, Sizin böyük nüfuzunuz bizim çoxmillətli Qafqazda sosial-iqtisadi və siyasi tərəfdaşlığın sabitliyinin rəhnidir. Heydər Əlirza oğlu, biz Sizi xatırlayırıq, sevirik, Sizə və Azərbaycan xalqına xoşbəxtlik, firavanlıq və uğurlar arzulayırıq.
Hörmətlə,
V. A. KAZNAÇEYEV
Stavropol diyarı rektorlar şurasının
sədri, Pyatiqorsk Dövlət Texnologiya
Universitetinin rektoru, professor
Pyatiqorsk, 10 may 2003- cü il