AZƏRBAYCAN TAEKVONDOÇULARI TƏLƏBƏLƏRİN ÜMUMDÜNYA UNİVERSİADASINDA İŞTİRAK EDƏCƏKLƏR

AZƏRTAC xəbər verir ki, avqustun 7-də Bankokda Tələbələrin Ümumdünya Universiadası start götürəcəkdir.

Taekvondo üzrə yarışlarda Azərbaycan 10 idmançı ilə təmsil olunacaqdır.

Kişilərin yarışında ölkəmizin idman şərəfini baş məşqçi Ələkbər İmaməliyevin rəhbərliyi ilə Faiq Məmmədov (54 kq), Ziya Qasımov (62 kq), İlkin Şahbazov (67 kq), Elvin Məmmədov (72 kq), Təvəkkül Bayramov (84 kq) və Ramin Əzizov (84 kq-dan yuxarı) qoruyacaqlar.

Qızların mübarizəsində isə respublikamızı Şəhrun Yusifova (47 kq), Leyla Yusubova (51 kq), Nigar Hacıyeva (55 kq) və Arzu Bağırova (59 kq) təmsil edəcəklər.

Atlet Teymur Abbasov isə üç təkanla uzunluğa tullanma yarışlarında mübarizə aparacaqdır.